“Nəriman Nərimanov – böyük maarifçi və ictimai-siyasi xadim” mövzusunda konfransa tezislər qəbul olunur
Bakı, 20 iyun, AZƏRTAC
AMEA-nın akademik Ziya Bünyadov adına Şərqşünaslıq İnstitutu “Nəriman Nərimanov - böyük maarifçi və ictimai-siyasi xadim” respublika elmi konfransına tezis qəbulunu davam etdirir.
Şərqşünaslıq İnstitutundan AZƏRTAC-a bildirilib ki, konfrans Prezident İlham Əliyevin “Nəriman Nərimanovun 150 illik yubileyinin qeyd edilməsi haqqında” Sərəncamına əsasən keçiriləcək.
Konfransda iştirak etmək istəyənlər iyunun 30-dək tezislərini [email protected] elektron ünvanına göndərməlidir.
Təşkilat komitəsi tezislərin seçilməsi, mətndə düzəlişlərin edilməsi və tezislərin geri qaytarılması hüququna malikdir.
Konfransın keçirilməsinin dəqiq tarixi karantin rejimindən asılı olaraq müəyyənləşdiriləcək və bu barədə əlavə məlumat veriləcək.
Bölmənin digər xəbərləri
