“NƏRİMANOVNEFT” NQÇİ-NİN UĞURU
“Azneft” İstehsalat Birliyindən AZƏRTAC-a verilən məlumata görə, “Nərimanovneft” Neft və Qaz Çıxarma İdarəsinin kollektivi yanvar-noyabr aylarında gündə orta hesabla 1,366 milyon kubmetr qaz çıxarmışdır.
On bir ayda dövlətə 400 milyon kubmetr qaz təhvil verən neftçilər proqnoza 106,9 faiz əməl etmişlər ki, bu da nəzərdə tutulandan 25 milyon kubmetr çoxdur.
İdarənin kollektivi neft hasilatını yüksək səviyyədə saxlamaq üçün bütün imkanlardan səmərəli istifadə edir.
