Netanyahu HƏMAS-ın 24 batalyonundan 17-nin məhv edildiyini bildirib
Bakı, 4 fevral, AZƏRTAC
İsrail ordusu oktyabrın 7-də münaqişə başlayan zaman anklavda (Qəzza - red.) mövcud olan 24 HƏMAS batalyonundan 17-ni məhv edib.
AZƏRTAC xəbər verir ki, bunu İsrailin Baş naziri Benyamin Netanyahu Nazirlər Kabinetinin həftəlik iclasında bildirib.
"Mən siyasətimizi aydınlaşdırmaq istəyirəm: ilk növbədə əsas məqsədimiz HƏMAS-ın məhv edilməsidir. Bu məqsədə çatmaq üçün HƏMAS-ın batalyonlarının azaldılması lazımdır. Bu günə kimi biz 24 batalyondan 17-ni məhv etmişik. HƏMAS-ın qalan batalyonlarının çoxu Qəzza zolağının cənubunda və Rəfahdadır. Onlara da vaxt çatacaq”, - deyə Netanyahu əlavə edib.
Bölmənin digər xəbərləri
