MƏDƏNİYYƏT
“Netflix” Cənubi Koreyaya investisiya qoymaq planları barədə açıqlama verib
Bakı, 26 aprel, AZƏRTAC
Amerikanın “Netflix” striminq xidməti növbəti dörd il ərzində Cənubi Koreyaya 2,5 milyard dollar sərmayə qoymağı planlaşdırır.
Bu barədə AZƏRTAC “Yonhap” agentliyinə istinadla xəbər verir. Bu ölkədə onlayn-kinoteatrı üçün filmlər, seriallar və şoular istehsal olunacaq.
“Biz Koreya sənayesinə böyük etibarımıza görə bu qərarı qəbul edə bildik və gözəl hekayələr yaratmağa davam edəcəyik”, - deyə “Netflix”in həmrəhbəri Ted Sarandos Cənubi Koreya Prezidenti Yun Sok Yol ilə görüşündən sonra bildirib.
Sarandos qeyd edib ki, bu məbləğ “Netflix” şirkətinin 2016-cı ildə yarandığı andan Cənubi Koreyaya investisiya qoyduğu məbləğdən iki dəfə çoxdur.
Koreya şoularının uğurları striminq xidmətini ruhlandırıb. Xüsusən, bütün dünyada tamaşaçıların rəğbətini qazanan “Kalmar oyunu” daha populyar olub.