İDMAN
Neytral status almaq istəyən 197 rusiyalı atletin müraciəti IAAF-a göndərilib
Bakı, 27 fevral, AZƏRTAC
Ümumrusiya Atletika Federasiyası (ÜRAF) neytral status almaq üçün müraciət edən 207 atletin 197-sinin müraciətini artıq Beynəlxalq Atletika Federasiyaları Assosiasiyasına (IAAF) göndərib.
AZƏRTAC TASS agentliyinə istinadla xəbər verir ki, bu barədə ÜRAF-ın mətbuat katibi Natalya Yuxareva məlumat verib.
Ötən ilin dekabrında ÜRAF rusiyalı idmançıların 2019-cu ildə beynəlxalq yarışlarda neytral statusda iştirak etmələri üçün IAAF-a məktub ünvanlayıb. İndiyədək IAAF 2019-cu ildə beynəlxalq yarışlarda iştirak etməsi üçün 63 rusiyalı idmançını müəyyənləşdirib. Onların arasında Rusiya milli komandasının lideri Mariya Lasitskene, Sergey Şubenkov, Anjelika Sidorova və Timur Morqunov da var.