Niderlandda 30 mindən çox insan koronavirusa yoluxub
Haaqa, 18 aprel, AZƏRTAC
Niderlandda COVID-19 virusu daşıyıcılarının sayı 30 min 449-a çatıb.
AZƏRTAC xəbər verir ki, ölkədə son bir gün ərzində 1235 yeni yoluxma faktı aşkarlanıb. Son 24 saat ərzində 144 olmaqla, ümumi 3 459 ölüm faktı qeydə alınıb.
Niderland epidemiya başlayanda “kollektiv immunitet” yanaşmasına üstünlük verən ölkələrdən olub. Bununla belə, ölkədə restoranlar, eləcə də əhalinin sıx toplaşa biləcəyi bütün məkanlar bağlanıb.
Qeyd edək ki, Niderlanda aparılan analizlərin nəticəsinə görə qan donorlarının yalnız 3 faizində koronavirusa qarşı antikor müəyyən edilib.
Niderlanda testlərin məhdud sayda olduğu və yalnız ağır xəstələr üçün nəzərdə tutulduğu bildirilib.
Şəhla Ağalarova
AZƏRTAC-ın xüsusi müxbiri
Haaqa
Bölmənin digər xəbərləri
