Norveç hökuməti koronavirusla əlaqədar əcnəbilər üçün sərhədləri tamamilə bağlayır
Stokholm, 28 yanvar, AZƏRTAC
Norveç hökuməti əcnəbilər üçün sərhədləri tamamilə bağlayır. Belə ki, yanvarın 29-dan Norveçə giriş yalnız girişin zəruriliyini təsdiq edən sənədləri təqdim edən şəxslər üçün mümkün olacaq. Bu, Norveçdə koronavirusla bağlı məhdudiyyətlərin sərtləşdirilməsi istiqamətində növbəti addımdır.
Hökumət bu qərarı Səhiyyə İdarəsinin tövsiyələrinə əsasən qəbul edib. Ölkənin Baş naziri Erna Sulberq deyib ki, sərhəd Norveçdə yaşamayan hər kəs üçün bağlı olacaq. İki həftə sonra məhdudiyyətlər yenidən nəzərdən keçiriləcək. Lakin vəziyyətlə əlaqədar iki həftədən sonra sərt giriş qaydaları uzadıla bilər. “Biz 14 gündən sonra Norveçə girişə daha ciddi məhdudiyyətlərin qoyulacağına hazır olmalıyıq”, - deyə o qeyd edib.
Rauf Əliyev
AZIRTAC-ın xüsusi müxbiri
Stokholm
Bölmənin digər xəbərləri
