Novorossiyskdəki hadisə Qazaxıstanın neft ixracına təsir etməyib
Astana, 2 mart, AZƏRTAC
Novorossiysk limanındakı “Şesxaris” neft yükləmə terminalında baş verən hadisə Qazaxıstanın neft hasil edən şirkətlərinin istehsal göstəricilərinə təsir etməyib.
AZƏRTAC Qazaxıstan Energetika Nazirliyinə istinadla xəbər verir ki, Qazaxıstan neftinin istehsalı və ixracı normal rejimdə davam edir. Həmçinin Qazaxıstan neftinin tədarükü üçün istifadə olunan ixrac infrastrukturunda heç bir pozuntu qeydə alınmayıb.
Nazirlik müvafiq təşkilatlar və infrastruktur operatorları ilə əməkdaşlıq çərçivəsində vəziyyətin monitorinqini aparır.
Xatırladaq ki, medianın məlumatına görə, Novorossiyskdə dron hücumundan sonra fövqəladə vəziyyət elan edilib. Zərbə nəticəsində Rusiyanın cənubundakı neftin yüklənməsi komplekslərindən biri olan “Şesxaris” terminalında yanğın baş verib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
