NOYABRDA HAVANIN TEMPERATURU QEYRİ-SABİT OLACAQ
Noyabrın birinci ongünlüyündən etibarən hava şəraiti qeyri-sabit keçəcək, arabir yağış yağacaq, şimşək çaxacaq, bəzi bölgələrdə leysan yağacaqdır. Temperatur 2-3 dərəcə düşəcək, şimal-qərb küləyi əsəcək, küləyin sürəti bəzi günlərdə saniyədə 18-23 metrə çatacaqdır.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-ın müxbirinə bildirmişlər ki, Bakıda və Abşeron yarımadasında orta aylıq temperatur 10-13 dərəcəyə çatacaq ki, bu da iqlim səviyyəsindən 1-2 dərəcə (gecə 8-10 dərəcə, gündüz 13-16 dərəcə) yüksəkdir, yağıntının səviyyəsi normaya yaxın (28-38 mm) olacaqdır. Naxçıvan Muxtar Respublikasında orta aylıq temperatur 6-8 dərəcə (gecə 2-4 dərəcə isti, gündüz 10-15 dərəcə isti), yağıntının səviyyəsi normaya yaxın (18-28 mm) olacaqdır.
Yuxarı Qarabağ, İstisu-Laçın, Daşkəsən-Gədəbəydə orta aylıq temperatur 3-5 dərəcə (gecə 1-3, gündüz 8-10 dərəcə isti), yağıntının səviyyəsi normaya yaxın (27-34 mm) olacaqdır.
Qazax-Gəncə, Ağdam-Füzuli-Cəbrayıl zonasında orta aylıq temperatur 8-10 dərəcə isti (gecə 3-6 dərəcə, gündüz 12-15 dərəcə, ayrı-ayrı günlərdə 0-3 dərəcə), yağıntının səviyyəsi normaya yaxın (15-24 mm) olacaqdır.
Balakən-Şəki-Qəbələ, Şamaxı-İsmayıllı, Quba-Qusar-Xaçmazda orta aylıq temperatur 6-8 dərəcə isti (gecə 2-5 dərəcə, gündüz 8-13 dərəcə isti), yağıntının səviyyəsi normaya yaxın (29-73 mm) olacaqdır.
Mərkəzi aran rayonlarında orta aylıq temperatur 10-12 dərəcə isti (gecə 3-8 dərəcə, gündüz 14-17 dərəcə isti), yağıntının səviyyəsi normaya yaxın (25-45 mm) olacaqdır.
Masallı-Lənkəran-Astarada orta aylıq temperatur 10-12 dərəcə isti (gecə -6-9 dərəcə, gündüz -13-16 dərəcə isti), yağıntının səviyyəsi normaya yaxın (77-170 mm) olacaqdır.
