Noyabrın 1-də ölkə üzrə 377 kubmetr həcmində oduncaq tədarük olunub
Bakı, 1 noyabr, AZƏRTAC
Qışa hazırlıq məqsədilə qazlaşdırılmayan kəndlərin əhalisinin təminatı üçün Regional Meşə Təsərrüfatı mərkəzlərinin xidməti ərazilərində oduncaq tədarükü davam edir.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildiriblər ki, noyabrın 1-də ölkə üzrə ümumilikdə 377 kubmetr həcmində oduncaq tədarük olunub.
Ötən gün tədarük olunan oduncağın 118 kubmetri Qəbələ, 60 kubmetri Tovuz, 40 kubmetri Ağdam, 37 kubmetri Oğuz, 35 kubmetri İsmayıllı, 24 kubmetri Şəki, 20 kubmetri Göygöl, 20 kubmetri Zaqatala, 13 kubmetri Qax, 10 kubmetri Şabran rayonlarının payına düşüb.
Bölmənin digər xəbərləri
