NYU-YORK MİLYARDERLƏRİ ODLU SİLAH ALIRLAR

27.03.2006 [15:13]
Çap et
A⁺ A^-

AZƏRTAC “Nyu-York post” qəzetinin saytına istinadla xəbər verir ki, ABŞ-ın bu ən iri şəhərində yaşayan milyarderlər, habelə kino, radio və televiziya ulduzları odlu silah gəzdirmək üçün lisenziya alırlar. “Forbs” jurnalının 2006-cı ilin milyarderləri siyahısında 258-ci yeri tutan, “Este Lauder” kosmetika şirkətinin həmsahibi Ronald Lauder, “Siqrems” alkohol firmasının sahibi Edqar Bronfman və qalmaqallı radioaparıcı Hovard Stern odlu lisenziya almışlar.

Nyu-Yorkun ən məşhur silahlı aktyorları Robert de Niro və Harvi Keytel daim odlu silah gəzdirə bilərlər.

Rokfellerlər nəslindən olan milyarder Uintrop Rokfeller isə bu siyahıdan çıxarılmışdır. O, yalnız evdə tapança saxlaya bilər. Nyu-York Polis İdarəsində Rokfellerin silah gəzdirməsinə qadağa qoyulmasının səbəbini izah etməmişlər.

Hazırda Nyu-Yorkda 38 min 544 nəfərin silah gəzdirməyə icazəsi var. 2003-cü ildən onların sayı təxminən 2,5 min nəfər azalmışdır. Polis hər il lisenziyaların yenidən verilməsi və birbaşa təhlükəyə məruz qalmayanların bu icazədən məhrum edilməsi məsələsinə baxır.

NYU-YORK MİLYARDERLƏRİ ODLU SİLAH ALIRLAR

MÜƏLLİFLƏ ƏLAQƏ

Bölmənin digər xəbərləri