Nyu-Yorkda “Qərbli qız” operası nümayiş etdiriləcək
Bakı, 15 sentyabr, AZƏRTAC
Oktyabr ayında Nyu-Yorkdakı “Metropoliten-opera”da C.Puççininin “Qərbli qız” operası nümayiş etdiriləcək.
AZƏRTAC “Metropoliten-opera”nın saytına istinadla xəbər verir ki, səhnə əsərində Dik Consonun partiyasını oktyabrın 4-də, 8-də və 12-də Azərbaycanın Xalq artisti Yusif Eyvazov (tenor) səsləndirəcək.
Karyerasına İtaliyada başlayan Y.Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. O, 2012-ci ildə Bakıda Vokalçıların Bülbül adına VI Beynəlxalq müsabiqəsinin qalibi olub. Y.Eyvazovun adı “Dünyanın ən yaxşı tenorları” kitabında yer alıb.
Bölmənin digər xəbərləri
