Oğuzda eyni məktəbdə dərs deyən 4 müəllim qəzaya düşüb
Oğuz, 10 aprel, AZƏRTAC
Oğuzda eyni məktəbdə dərs deyən 4 müəllim qəzaya düşüb. Hadisə rayonun Böyük Söyüdlü kəndinə gedən avtomobil yolunda baş verib.
AZƏRTAC-ın bölgə müxbiri xəbər verir ki, Oğuz rayon sakini Leyla Rzayevanın idarə etdiyi “Mercedes” markalı minik avtomobili idarəetmədən çıxaraq aşıb.
Nəticədə sürücü - 1989-cu il təvəllüdlü Leyla Rzayeva, sərnişinlər - 1977-ci il təvəllüdlü Aynurə Sərkərova, 1987-ci il təvəllüdlü Nuranə Rüstəmova və 1982-ci il təvəllüdlü Cəmalə İsgəndərova müxtəlif bədən xəsarətləri ilə Oğuz Rayon Mərkəzi Xəstəxanasına çatdırılıb.
Qəzaya düşən şəxslərin Oğuzun Qarabulaq kənd orta məktəbinin müəllimləri olduğu bildirilir.
Faktla bağlı araşdırma aparılır.
Bölmənin digər xəbərləri
