“Olimpiya Oyunları – Uğur hekayələri” mövzusunda yazı müsabiqəsinin qalibləri müəyyənləşib
Bakı, 22 iyul, AZƏRTAC
Azərbaycan Milli Olimpiya Komitəsinin (MOK) 22 iyul - Milli Mətbuat Günü münasibətilə “Olimpiya Oyunları - Uğur hekayələri” mövzusunda yazı müsabiqəsinin qaliblərinin adları açıqlanıb.
MOK-dan AZƏRTAC-a bildiriblər ki, müsabiqəyə idmançıların mübariz və cəsarətli addımları ilə müşayiət olunan həyat yolundan, Olimpiya Oyunlarına qatılan idmançıların uğur hekayələrindən bəhs edən araşdırma yazılar təqdim edilib.
Münsiflər heyəti Sənan Abdullayevin (Xəzərxəbər.az) boksçu Fuad Aslanovdan bəhs edən “Afina kəşfiyyatçısı” yazısını birinci yerə layiq görüb. Sahib Əsədbəylinin (Kaspi.az) İlham Zəkiyevə (cüdo) həsr olunan “Zirvənin yolunu gözüyumulu tapan əsl qəhrəman” yazısı və Səbuhi Musayevin (Oxu.az) Şahin İmanova həsr olunan “Karyerasını zədə və Olimpiada medalı ilə bitirən boksçunun hekayəsi” məqaləsi ilk üçlükdə yer alıblar.
Jurnalistlərə, müvafiq olaraq, 500, 300 və 200 manat məbləğində pul mükafatları, eləcə də diplomlar təqdim olunacaq.
Bölmənin digər xəbərləri
