ÖLKƏDƏ İNTERNETDƏN İSTİFADƏNİN VƏ XİDMƏTLƏRİN SƏVİYYƏSİ YÜKSƏLMİŞDİR
Rabitə və İnformasiya Texnologiyaları Nazirliyindən AZƏRTAC-a bildirmişlər ki, 2003-2008-ci illərdə ölkədə internetdən istifadənin və xidmətlərin səviyyəsi yüksəlmişdir.
İnternet provayderlərinin qlobal internet şəbəkəsinə giriş-çıxış trafikinin həcmi təqribən 66 dəfə artaraq 6 Gb/s.-ni ötmüş və nəticədə ölkəmizdən beynəlxalq internet şəbəkəsinə informasiya ixracının həcmi 25 dəfə, idxalın həcmi isə 17 dəfə artmışdır. İnternetdən istifadə qiymətləri 7 dəfə ucuzlaşmış, provayderlərin sayı 30-u keçmişdir. “AZ” domeni zonasındakı saytların sayı 6 mindən çoxdur. Eyni zamanda, mütəmadi olaraq, www.azerbaijan.az baş portalı vasitəsilə Azərbaycanda gedən proseslər və inkişaf barədə məlumatlar bir neçə dildə dünya ictimaiyyətinə çatdırılır.
Bölmənin digər xəbərləri
