ÖLKƏMİZİN ALİ MƏKTƏBLƏRİNƏ SƏNƏD QƏBULU BAŞLANIR
AZƏRTAC-ın müxbiri xəbər verir ki, TQDK-nın sədr müavini Namiq Babayev ali təhsil müəssisələrinə sənədlərin qəbulu və təşkilati məsələlər haqqında məlumat verərək bildirmişdir ki, bu il 26 dövlət, 16 qeyri-dövlət ali məktəblərinə plan üzrə yerlərin ümumi sayı 28 min 475-dir (ötən il yerlərin sayı 27 min 462 idi). Onlardan 23 min 655-i dövlət, 4 min 820-si qeyri-dövlət ali məktəblərinin payına düşür.
Natiq dövlət ali məktəbləri üzrə 10 min 787 yerin ödənişsiz, 12 min 868 yerin ödənişli əsaslarla olduğunu bildirmişdir. Eyni zamanda, diqqətə çatdırmışdır ki, tələbə qəbulu ilə bağlı bütün məlumatları TQDK-nın və “Abituriyent” jurnalının İnternet saytından da əldə etmək olar. Sayt belədir: www.tqdk.gov.az, www.abiturient.az
Sonra sədr müavini jurnalistləri maraqlandıran suallara ətraflı cavab vermişdir.
Bölmənin digər xəbərləri
