OMBUDSMAN ƏLİL UŞAQLARI YENİ İL MÜNASİBƏTİLƏ TƏBRİK ETMİŞDİR
Ombudsman Aparatının mətbuat xidmətindən AZƏRTAC-a bildirmişlər ki, müvəkkil burada tərbiyə alan uşaqları Yeni il münasibətilə təbrik etmiş, xoş arzularını bildirmişdir. E.Süleymanova ölkəmizdə uşaqların diqqət və qayğı ilə əhatə olunduğunu, onların sağlamlığı, təhsili, ahəngdar inkişafı üçün mühüm addımlar atıldığını qeyd etmişdir. O, internatlara, uşaq evlərinə qayğının xüsusilə artırıldığını, Heydər Əliyev Fondunun prezidenti, YUNESKO-nun xoşməramlı səfiri, Milli Məclisin deputatı Mehriban xanım Əliyevanın bu müəssisələrə böyük diqqətini nəzərə çarpdırmışdır. Müvəkkil imkanlı şəxsləri, iş adamlarını köməyə xüsusi ehtiyacı olan uşaqların problemlərinin həllində yardımçı olmağa, onları himayə etməyə çağırmışdır.
Bölmənin digər xəbərləri
