OMBUDSMAN QAÇQINLARIN VƏ MƏCBURİ KÖÇKÜNLƏRİN İŞLƏRİ ÜZRƏ DÖVLƏT KOMİTƏSİNİN SƏDRİ İLƏ GÖRÜŞMÜŞDÜR
Ombudsman aparatından AZƏRTAC-a bildirmişlər ki, Əli Həsənov məcburi köckünlərin vəziyyətinin yaxşılaşdırılması, onların məskunlaşması, işlə təmin olunması, digər sosial problemlərinin həlli məsələlərinin dövlətin, Prezident İlham Əliyevin diqqət mərkəzində olduğunu bildirmişdir.
Ombudsman Füzuli rayonunun ərazisində salınan qəsəbələrə köçürülmüş məcburi köçkünlərlə və buradakı məktəblərin müəllim və şagird kollektivi ilə görüşdüyünü bildirmişdir. Bu təhsil ocaqlarında şagirdlər üçün normal tədris şəraitinin yaradılmasının, dərs prosesinin müasir tələblər səviyyəsində təşkil edildiyinin şahidi olduğunu söyləmişdir.
Müvəkkil maliyyələşmənin gecikdirilməsi səbəbindən qəsəbələrdəki uşaq bağçalarının fəaliyyət göstərmədiyini, ağır çadır həyatından təzəcə uzaqlaşmış uşaqların tərbiyəçi qayğısından kənarda qaldığını Ə.Həsənovun nəzərinə çatdırmışdır.
Görüşdə məcburi köçkünlərlə bağlı qaldırılan problemlərin araşdırılacağı və tezliklə həll ediləcəyi bildirilmişdir.
Bölmənin digər xəbərləri
