OPEC-in Baş katibi: Hazırkı dövrdə sabit neft bazarı vacibdir
Bakı, 30 mart, AZƏRTAC
Neft bazarında və qlobal iqtisadiyyatda canlanmanın müsbət meyilləri ilə bağlı ehtiyatlı nikbinlik yaranıb.
AZƏRTAC xəbər verir ki, bu sözləri OPEC və OPEC-ə üzv olmayan bəzi ölkələrin (“OPEC+”) Müştərək Texniki Komissiyasının (JTC) videokonfrans formatında keçirilən 50-ci iclasında OPEC-in Baş katibi Məhəmməd Sanusi Barkindo deyib.
O, “Əməkdaşlıq Bəyannaməsi” iştirakçısı ölkələrin qlobal neft bazarının tarazlığını sürətləndirməklə bağlı dəstəyini alqışlayıb: “Hazırkı dövrdə sabit neft bazarı vacibdir. Buna töhfə vermək üçün gücümüz daxilində hər şeyi etməliyik”.
Xatırladaq ki, JTC 2016-cı il dekabrın 10-da Avstriyanın paytaxtı Vyanada təşkil edilən OPEC və OPEC-ə üzv olmayan ölkələrin nazirlərinin ilk toplantısında imzalanan tarixi “Əməkdaşlıq Bəyannaməsi” çərçivəsində yaradılıb. JTC neft bazarına dair təhlillər aparan və Nazirlərinin Birgə Monitorinq Komitəsinə (JMMC) texniki düşüncə mərkəzidir.
Bölmənin digər xəbərləri
