Ötən il Biləsuvarda 23 tondan çox bal istehsal olunub
Biləsuvar, 12 dekabr, Mahir Babayev, AZƏRTAC
Biləsuvarda arıçılığın inkişafına xüsusi diqqət yetirildiyindən rayonda arı ailələrinin sayı ilbəil artır, məhsul istehsalı çoxalır. Arıçılıq gəlirli sahə olduğundan təsərrüfatın bu sahəsi ilə məşğul olan fermerlərin də sayı get-gedə çoxalır.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildiriblər ki, dövlətin arıçılığın inkişafına göstərdiyi hərtərəfli dəstək və hər arı ailəsinə görə verilən 10 manat əlavə subsidiya rayonda arı ailəsinin artırılmasına və məhsul istehsalının çoxalmasına müsbət təsir göstərir. Hazırda rayonda mövcud olan 108 arıçılıq təsərrüfatlarında 3001 arı ailəsi saxlanılır ki, cari ildə bu arı ailələrinin hər birindən 30 kiloqram olmaqla 90 ton məhsul götürülüb. Saxlanılan arı ailəsinə görə arıçılara 30 min 10 manat subsidiya ödənilib. İstehsal olunan məhsulun demək olar ki, yarıdan çoxunu rayonun Bağbanlar və Amankənd kəndlərində fəaliyyət göstərən fermerlər əldə ediblər.
Bölmənin digər xəbərləri
