Ötən il İmişlidə 158 yeni iş yeri yaradılıb
İmişli, 3 aprel, Aydın Yavərzadə, AZƏRTAC
Ötən il İmişli rayonunda 158 yeni iş yeri yaradılıb. Yeni açılmış iş yerlərinin 13,9 faizi yeni yaradılan müəssisə və təşkilatlarda, 86,1 faizi isə mövcud müəssisə və təşkilatlarda olub.
İmişli Rayon Statistika İdarəsindən AZƏRTAC-ın bölgə müxbirinə verilən məlumata görə, hüquqi şəxslər tərəfindən yaradılan iş yerlərinin 10,6 faizini kənd təsərrüfatı, meşə təsərrüfatı və balıqçılıq, 14,6 faizini tikinti, 35,4 faizini ticarət; nəqliyyat vasitələrinin təmiri, 21,5 faizini sənaye, 3,8 faizini nəqliyyat və anbar təsərrüfatı,1,3 faizini informasiya və rabitə, 4,4 faizini maliyyə və sığorta fəaliyyəti, 1,3 faizini inzibati və yardımçı xidmətlərin göstərilməsi, 1,3 faizini dövlət idarəetməsi və müdafiə; sosial təminat, 3,2 faizini təhsil və 2,6 faizini əhaliyə səhiyyə və sosial xidmətlərin göstərilməsi sahələri təşkil edib.
Bölmənin digər xəbərləri
