Ötən ilin dekabrında 21 küçə əsaslı təmir edilib
Bakı, 12 yanvar, AZƏRTAC
Azərbaycan Avtomobil Yolları Dövlət Agentliyi (AAYDA) 2021-ci il dekabr ayı ərzində yol infrastrukturu ilə bağlı görülən işlər barədə məlumat yayıb.
Agentliyin İctimaiyyətlə əlaqələr şöbəsindən AZƏRTAC-a bildirilib ki, dekabrda 14 min 3 metr uzunluğunda 21 küçə əsaslı təmir edilib, əsaslı təmir işlərinin aparıldığı sahə 111 min 200 kvadratmetr olub.
Əsaslı təmir zamanı küçə və yollara 8902 poqonmetr səki daşları düzülüb, 199 kanalizasiya lyuku yenisi ilə əvəz olunub, 17 min 824 poqonometr üfüqi nişanlanma xətləri çəkilib.
Bundan başqa, orta təmir işlərinin aparıldığı küçələrin uzunluğu 4005 metr, orta təmir işlərinin aparıldığı sahə isə 26 min 161 kvadratmetr təşkil edib.
Bölmənin digər xəbərləri
