OTÜSTÜ XOKKEY ÜZRƏ 21 YAŞLI QADINLARDAN İBARƏT AZƏRBAYCAN YIĞMASI TÜRKİYƏ KOMANDASINA QALİB GƏLMİŞDİR
Vyanada otüstü xokkey üzrə 21 yaşlı qızlardan ibarət yığma komandalar arasında Avropa çempionatının “Çelenc” yarışına start verilmişdir.
AZƏRTAC xəbər verir ki, qitə birinciliyi çərçivəsində Azərbaycan komandası ilk görüşünü Türkiyə yığmasına qarşı keçirmişdir. Görüşdə komandamız fiziki cəhətdən rəqibdən daha çox hazırlıqlı olduğunu sübut etmişdir. Bunun da nəticəsində Azərbaycan təmsilçiləri rəqib üzərində 11:0 hesabı ilə qələbə qazanmışlar.
Digər qarşılaşmada isə Avstriya komandası Slovakiya yığmasını 5:1 hesabı ilə məğlub etmişdir.
Bu gün isə komandamız meydan sahibləri ilə görüşəcəkdir. Novbəti qarşılaşmalarda isə yığmamızın rəqibi Slovakiya xokkeyçiləri olacaqdır.
Yarışın qalibi olacaq iki komanda “Trophi” oyunlarına vəsiqə qazanacaqdır.
Turnirə iyulun 26-da yekun vurulacaqdır.
Bölmənin digər xəbərləri
