ÖZBƏKİSTAN MÜSTƏQİLLİYİNİN 17-Cİ İLDÖNÜMÜNÜ QEYD ETMİŞDİR
AZƏRTAC-ın xüsusi müxbiri xəbər verir ki, Daşkənddə Özbəkistanın müstəqilliyinin 17-ci ildönümü ilə əlaqədar təntənəli mərasim keçirilmişdir.
Özbəkistan Prezidenti İslam Kərimov bayram münasibətilə özbək xalqını və ölkədə yaşayan digər xalqları təbrik etmiş, müstəqillik illərində əldə olunmuş uğurlardan danışmış, Özbəkistanda sülh və sabitlik, millətlərarası həmrəyliyin əldə edilməsi istiqamətində görülən işlərdən söhbət açmışdır.
Sonra Özbəkistan incəsənət ustalarının iştirakı ilə geniş konsert olmuşdur.
Paytaxtdakı Babur parkı sentyabrın 1-də Daşkənddə fəaliyyət göstərən milli mədəniyyət mərkəzlərinin ixtiyarına verilmişdir. Azərbaycan Mədəniyyət Mərkəzləri Assosiasiyası və Daşkənd Şəhər Mədəniyyət Mərkəzinin təşkil etdikləri bayram tədbirində “Azəri” uşaq rəqs ansamblının üzvləri Azərbaycan mahnı və rəqslərini ifa etmişlər.
Bölmənin digər xəbərləri
