Özbəkistanda COVID-19 koronavirusundan 2338 xəstə sağalıb
Daşkənd, 20 may, AZƏRTAC
Özbəkistanda COVID-19 koronavirusundan 2338 xəstə sağalıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son 24 saat ərzində Özbəkistanda COVID-19 koronavirusuna yoluxanların sayı 78 nəfər artaraq 2880-ə çatıb.
Bildirilir ki, 475 nəfər müxtəlif xəstəxanalarda müalicə olunur, 13 nəfər ölüb.
Məlumatda deyilir ki, hazırda karantində 48 mindən artıq adam var.
Son iki gün ərzində isə Rusiya və Qazaxıstandan təyyarə, dəmir yolu və avtobuslarla 1100 Özbəkistan vətəndaşı Daşkəndə gətirilib.
Mayın 19-da Özbəkistan Prezidenti Şavkat Mirziyoyev keçirdiyi videoselektor müşavirəsində bildirib ki, indiyədək xarici ölkələrdən hava və dəmir yolu ilə 39 min vətəndaşımız ölkəyə gətirilib. 12 min vətəndaşımızı isə gətirməyi planlaşdırırıq.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
