Özbəkistanın Qaraqalpaq Respublikası parlamentinin sədri koronavirusa yoluxub
Daşkənd, 19 iyul, AZƏRTAC
Özbəkistanın Qaraqalpaq Respublikası parlamentinin sədri Musa Erniyazov və Surxandərya vilayətinin hakimi Tura Babolov COVID-19-a yoluxub.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, hər iki məmurun vəziyyəti sabitdir. Bildirilir ki, M.Erniyazov Qaraqalpaqıstanda müalicə olunur, T.Babolov isə Daşkəndə köçürülüb.
Bu günə olan məlumata görə, Özbəkistanda koronavirusa yoluxanların sayı 533 nəfər artaraq 16 min 429-a çatıb. Son sutkada virusdan 4 nəfər ölüb və beləliklə vəfat edənlərin sayı 84 nəfərə çatıb. Ölkə üzrə 93 pasiyentin vəziyyəti ağır ağırdır.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
