Papa Fransisk: Miqrasiya problemi ilə birgə mübarizə aparmaq lazımdır
Vatikan, 18 sentyabr, AZƏRTAC
Miqrasiya problemi asan deyil, onunla birlikdə mübarizə aparmaq lazımdır.
AZƏRTAC xəbər verir ki, bunu Roma Katolik Kilsəsinin rəhbəri Papa Fransisk son günlərdə İtaliyanın üzləşdiyi və Avropada əsas müzakirə mövzusuna çevrilən miqrant axınını şərh edərkən deyib.
“Son günlərdə qarşılaşdığımız miqrasiya məsələsi asan olmayan, lakin hər kəsin gələcəyi üçün vacibliyi baxımından öhdəsindən birgə gəlməli olduğumuz problemdir. Eyni zamanda, bu, yalnız qardaşlıq üzərində qurulmalıdır və insan ləyaqətinin ön planda olduğu təqdirdə firavanlığa nail olacaq mübarizəni ifadə edir”, - deyə Papa Fransisk vurğulayıb.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
