PARİSDƏ 20 YANVAR ŞƏHİDLƏRİNİN XATİRƏSİ YAD EDİLMİŞDİR
AZƏRTAC-ın xüsusi müxbiri xəbər verir ki, yanvarın 20-də Azərbaycanın Fransadakı səfirliyində qanlı faciənin 16-cı ildönümü ilə əlaqədar şəhidlərin xatirəsini anma mərasimi keçirilmişdir. Azərbaycan diasporunun nümayəndələri, Parisdə təhsil alan tələbələrimiz və səfirliyin əməkdaşları Azərbaycan Demokratik Cümhuriyyəti hökumətinin Versal sülh konfransında iştirak etmiş nümayəndə heyətinin rəhbəri Əlimərdan bəy Topçubaşovun, nümayəndə heyətinin üzvlərindən Ceyhun Hacıbəyovun, Əkbər ağa Şeyxülislamovun və Məhəmməd Məhərrəmovun Sən-Klu, Bobini və Monparnas qəbiristanlıqlarındakı məzarlarını ziyarət etmiş, üzərinə əklillər qoymuşlar.
Ölkəmizin Fransadakı səfiri Tarik Əliyev Azərbaycan xalqının müstəqillik yolundakı mübarizəsindən danışmış, bütün şəhidlərimizin xatirəsinin həmişə əziz tutulacağını vurğulamışdır.
Faciə ilə bağlı səfirlik tərəfindən hazırlanmış mətbuat açıqlaması Fransanın dövlət orqanlarına, müxtəlif institutlarına və xarici ölkələrin səfirliklərinə göndərilmişdir.
Bölmənin digər xəbərləri
