Parisdə Avropa Şurası Parlament Assambleyasının büro və komitə iclasları keçiriləcək
Bakı, 9 mart, AZƏRTAC
Martın 12-dən 16-dək Parisdə Avropa Şurası Parlament Assambleyası bürosunun, siyasi işlər və demokratiya, monitorinq və daimi komitələrinin iclasları keçiriləcək.
Parlamentin mətbuat xidmətindən AZƏRTAC-a bildiriblər ki, iclaslarda Milli Məclisin beynəlxalq münasibətlər və parlamentlərarası əlaqələr komitəsinin sədri, ölkəmizin təşkilatdakı nümayəndə heyətinin rəhbəri Səməd Seyidov iştirak edəcək.
Tədbirlərdə terrordan əziyyət çəkənlərin qorunması, Suriyadakı vəziyyətin qonşu ölkələrə təsiri, Ukraynaya, Türkiyəyə və Ermənistana faktaraşdırıcı missiyaların səfərlərinin yekunları, Azərbaycanda və Monteneqroda keçiriləcək prezident seçkilərinə müşahidə missiyasının göndərilməsi, cari ilin aprel sessiyasının gündəliyi, 2018-ci ilin sentyabrında Ankarada keçiriləcək Parlament Sədrlərinin Avropa Konfransı və digər mövzularda müzakirələr aparılacaq. Səməd Seyidov müzakirəyə çıxarılacaq məsələlərə münasibət bildirəcək, təkliflərini verəcək.
Bölmənin digər xəbərləri
