Paytaxt sakinindən yarım kiloqramdan çox heroin aşkarlanaraq götürülüb
Bakı, 18 yanvar, AZƏRTAC
Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları narkotik və psixotrop maddələrin qanunsuz dövriyyəsi ilə məşğul olan şəxslərə qarşı əməliyyatları uğurla davam etdirirlər.
DİN-in mətbuat xidmətindən AZƏRTAC-a bildiriblər ki, idarə əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən paytaxt sakini M.Əsədov Sabunçu rayonu ərazisində saxlanılıb. Axtarış zamanı ondan 53 qram, Bakıxanov qəsəbəsindəki evindən isə 515 qram heroin, 505 qram metamfetamin və elektron tərəzi aşkarlanaraq götürülüb.
Bölmənin digər xəbərləri
