Paytaxtın Nəsimi rayonunda ağacların kəsilməsi nəticəsində təbiətə 26 min manatdan çox ziyan dəyib
Bakı, 15 noyabr, AZƏRTAC
Dövlət Ekoloji Təhlükəsizlik Xidməti tərəfindən keçirilən nəzarət tədbirləri zamanı paytaxtın Nəsimi rayonu, Rəşid Məmmədov, 25 ünvanında ağacların kəsilməsi faktı müəyyən edilib.
Bu barədə AZƏRTAC-a məlumat verən xidmət rəsmisi Vaqif Cavadov bildirib ki, araşdırma zamanı “Xəzər İnşaat-XXI Əsr” MMC tərəfindən həmin ünvanda beşmərtəbəli binanın söküntüsü işləri aparılan zaman ərazidəki ağacların kəsildiyi və təbiətə 26 min 580 manat məbləğində ziyan dəydiyi məlum olub. Dəymiş ziyanın məbləği cinayət tərkibi yaratdığından toplanmış sənədlər Baş Prokurorluğa göndərilib.
Bölmənin digər xəbərləri
