Pekin ABŞ-la ticarət dövriyyəsinin azalmasının miqyasını qiymətləndirib
Bakı, 14 yanvar, AZƏRTAC
2025-ci ildə Çin və ABŞ arasında ticarət dövriyyəsi əvvəlki illə müqayisədə 18,7 faiz azalaraq 559,74 milyard dollara enib.
AZƏRTAC xəbər verir ki, ÇXR Baş Gömrük İdarəsinin məlumatına görə, Çin məhsullarının ABŞ-a ixracı 20 faiz azalaraq 420,05 milyard dollar, ABŞ-ın Çinə idxalı isə 14,6 faiz azalaraq 139,69 milyard dollar təşkil edib.
Çin ABŞ-dan əsasən soya, pambıq və qarğıdalı, həmçinin mikroçip, avtomobil, kömür və mis, Birləşmiş Ştatlar isə ÇXR-dən smartfon, kompüter, litium-ion batareyaları, uşaq oyuncaqları, plastik məmulatlar, təhlükəsizlik kameraları, məişət texnikası, geyim və ayaqqabı alır.
Bölmənin digər xəbərləri
