Peşə təhsilində avtomobil sahəsi üzrə bazarın tələbatı, iş və təhsil imkanları müzakirə olunacaq
Bakı, 14 may, AZƏRTAC
Mayın 15-də avtomobil istiqaməti üzrə düzgün peşə seçimi və iş imkanları ilə bağlı vebinar təşkil olunacaq.
Peşə Təhsili üzrə Dövlət Agentliyindən AZƏRTAC-a bildirilib ki, vebinar peşə seçimi mərhələsində olan gənclərin maarifləndirilməsi məqsədilə keçiriləcək. Onlayn tədbirdə agentliyin Peşəyönümü və işəgötürənlərlə əməkdaşlıq şöbəsinin müdiri Zamin Bədirxanov, “Mitsubishi” avtomobil mərkəzinin servis rəhbəri Şahin Şahverdiyev, “Mercedes-benz” Abşeron avtomobil mərkəzinin servis şöbəsinin rəisi Toğrul Salmanov, “Toyota” Abşeron mərkəzinin servis rəhbəri Tofiq Abdullayev, Sənaye və İnnovasiyalar üzrə Bakı Dövlət Peşə Təhsil Mərkəzinin direktor müavini Orxan Rəhimov avtomobil sahəsi üzrə hazırkı bazarın tələbatı, iş və təhsil imkanları barədə onlayn müzakirələr aparacaq, izləyicilərin suallarını cavablandıracaqlar.
Vebinar Peşə Təhsili üzrə Dövlət Agentliyinin “Facebook” və “YouTube” səhifələrində yayımlanacaq.
Bölmənin digər xəbərləri
