PİLOT PROQRAMINDA İŞTİRAK ETMƏK ÜÇÜN ƏRİZƏLƏRİN QƏBULUNA BAŞLANMIŞDIR
AZƏRTAC xəbər verir ki, Beynəlxalq Maliyyə Korporasiyası İsveçrənin İqtisadi Məsələlər üzrə Dövlət Katibliyi ilə birgə həyata keçirilən “Azərbaycanda korporativ idarəetmə” layihəsinin ikinci fazası çərçivəsində pilot proqramı üçün ərizələrin qəbuluna başlamışdır.
Proqramda korporativ idarəetmə təcrübələrini təkmilləşdirmək istəyən Azərbaycan səhmdar cəmiyyətləri və bankları iştirak edə bilərlər. Pilot şirkətlər və banklar onların investisiya potensialı və maliyyə perspektivləri, islahatlara meyillilik, uğur qazanmaq imkanları və digər meyarlar əsasında seçiləcəklər.
Layihənin ikinci fazasının pilot proqramında iştirak ödənişlidir.
Ərizə formalarını www.ifc.org/acgp internet saytından, məlumatları isə 497-76-98 telefon nömrəsi vasitəsilə əldə etmək olar.
Bölmənin digər xəbərləri
