Pirşağı qəsəbəsində yol infrastrukturu yenilənəcək
Bakı, 19 iyun, AZƏRTAC
Sabunçu rayonunun Pirşağı qəsəbəsində yol infrastrukturunun tamamilə yenilənməsi istiqamətində yaxın günlərdə genişmiqyaslı təmir-tikinti işlərinə başlanacaq.
Avtomobil Yolları Dövlət Agentliyinin İctimaiyyətlə əlaqələr şöbəsindən AZƏRTAC-a bildirilib ki, vətəndaşların gediş-gəlişində xüsusən payız-qış mövsümündə yaranan problemlərin aradan qaldırılması istiqamətində Prezident İlham Əliyevin sərəncam və tapşırıqları əsasında agentlik tərəfindən ötən il ərzində Sabunçu rayonunun Maştağa, Bakıxanov, Ramana, Sabunçu, Kürdəxanı, Zabrat və Pirşağı qəsəbələrində 87 kilometr uzunluğunda 135 küçə və yola asfalt-beton örtüyü döşənib.
Analoji işlər 2019-cu ildə rayonun Kürdəxanı qəsəbəsində aparılıb, bu çərçivədə qəsəbənin 74 kilometr uzunluğunda 124 küçəsi təmir olunub.
Bölmənin digər xəbərləri
