PLATFORMA GƏLƏN İLİN ƏVVƏLİNDƏ İSTİSMARA VERİLƏCƏK
Azərbaycan Beynəlxalq Əməliyyat Şirkətindən AZƏRTAC-a bildirmişlər ki, “Mərkəzi”, “Qərbi” və “Şərqi Azəri” platformalarına suyun və qazın vurulmasını, səmt qazının sahilə nəqlini həyata keçirəcək, habelə platformaları elektrik enerjisi ilə təmin edəcək 15 min ton ağırlığında kompressor və suvurma platformasının (KvəSP) üst modullarının dənizdə quraşdırılması uğurla davam edir.
Quraşdırma və sazlama işlərinin təxminən 90 faizi tamamlanıb. İstismar sınaqlarının başa çatdırılması və laya qaz vurulmasına başlanması gələn ilin əvvəllərinə nəzərdə tutulur.
Bölmənin digər xəbərləri
