POLİS MARADONANIN SAATLARINI MÜSADİRƏ ETMİŞDİR

09.06.2006 [12:14]
Çap et
A⁺ A^-

AZƏRTAC Röyter agentliyinə istinadla xəbər verir ki, xeyriyyə oyununda iştirak etmək üçün İtaliyaya gələn Diyeqo Maradona ödəmədiyi vergilərə görə bu ölkənin iqtisadiyyat polisinə cavab verməli olmuşdur. Polislər onun qollarındakı Rolex markalı saatları müsadirə etmişlər.

Maradona “Napoli” klubunda oynadığı vaxtlarda, yəni ötən əsrin 80-ci və 90-cı illərində İtaliyanın vergi polisinə 31 milyon avro borclu qalmışdır. Futbolçunun fikrincə, vergini onun sayəsində İtaliya liqasında birinci yeri tutan klub ödəməlidir.

Polislərin Maradonaya göstərdikləri orderə görə, qanun keşikçilərinin futbolçunun üstündəki ən qiymətli əşyaları müsadirə etmək hüququ vardı. Polis zabitinin sözlərinə görə, bu saatların dəyəri 10 min avrodur, lakin onlar Maradonanın şəxsi əşyaları kimi hərracda xeyli baha qiymətə satılacaqdır.

POLİS MARADONANIN SAATLARINI MÜSADİRƏ ETMİŞDİR

MÜƏLLİFLƏ ƏLAQƏ

Bölmənin digər xəbərləri