Portuqaliyada koronavirusun “delta” ştamı ölkənin bütün regionlarında 95 faizdən çox yayılıb
Lissabon, 4 avqust, AZƏRTAC
Portuqaliya Milli Səhiyyə İnstitutunun məlumatına görə, koronavirusun “delta” ştamı ölkənin bütün regionlarında 95 faizdən çox yayılıb.
AZƏRTAC xəbər verir ki, Portuqaliyada iyulun 19-dan 25-dək yeni təhlil edilmiş yoluxma halları arasında 98,3 faiz nisbi tezliklə “delta” (B.1.617.2) daha çox yayılan variantdır.
“SARS-CoV-2” virusunun genetik müxtəlifliyi barədə hesabat, həmçinin onu göstərir ki, ilkin olaraq Cənubi Afrika və Braziliyada (Manaus) assosiasiya edilən “beta” (B.1.351) və “qamma” (P.1) variantlarının nisbi tezliyi müvafiq olaraq aşağı və dəyişməz qalır.
Nigar Cəfərli
AZƏRTAC-ın xüsusi müxbiri
Lissabon
Bölmənin digər xəbərləri
