Premyer Liqa: XXIII tura 2 oyunla yekun vurulacaq
Bakı, 17 fevral, AZƏRTAC
Bu gün Misli Premyer Liqasında XXIII tura yekun vurulacaq.
AZƏRTAC xəbər verir ki, son oyun günündə 2 qarşılaşma keçiriləcək.
Günün ilk matçı Tovuzda “Kəpəz” və “Şamaxı” komandaları arasında olacaq. Görüş saat 16:00-da başlayacaq. Hazırda Gəncə təmsilçisi 18 xalla 9-cu, Şamaxının eyniadlı klubu isə 20 xalla 8-cidir.
Turun bağlanış oyununda “Səbail” “ASCO Arena”da “Sabah”ı qəbul edəcək. Qarşılaşma saat 19:00-da start götürəcək. 22 turdan sonra “dənizçilər” 16 xalla sonuncu, “bayquşlar” isə 31 xalla 5-ci sırada qərarlaşıb.
Qeyd edək ki, turun əvvəlki görüşlərində "Zirə" səfərdə "Sumqayıt"a 3 cavabsız qolla qalib gəlib, “Turan Tovuz” “Araz-Naxçıvan”ı, “Qarabağ” isə “Neftçi”ni 1:0 hesabı ilə üstələyib.
Bölmənin digər xəbərləri
