PREZİDENT İLHAM ƏLİYEV YEVLAX ŞƏHƏRİNDƏ STADİONUN TİKİNTİSİNİN GEDİŞİ İLƏ TANIŞ OLMUŞDUR
Dövlətimizin başçısına məlumat verildi ki, “Rusel” şirkəti şəhərdə 5000 yerlik stadionun tikintisinə başlamışdır. Prezident İlham Əliyev tikinti işləri ilə yaxından maraqlandı. Dövlətimizin başçısına məlumat verildi ki, tikinti işləri avqustda başa çatdırılacaqdır. Burada qonaqlar üçün xüsusi tribuna da olacaq, müasir standartlara uyğun soyunub-geyinmə otaqları tikiləcəkdir.
Azərbaycan Prezidenti stadionda görülən işlərdən məmnun olduğunu vurğulayaraq dedi ki, bu obyektin tikilib istifadəyə verilməsi yevlaxlı gənclərin idmana marağının artmasına təkan verəcəkdir. Dövlətimizin başçısı şəhərdə digər idman qurğularının da tikilməsinin zəruriliyini söylədi.
Bölmənin digər xəbərləri
