PREZİDENTİN MƏTBUAT XİDMƏTİNİN MƏLUMATI
Fevralın 26-da Azərbaycan Respublikasının Prezidenti İlham Əliyev Türkiyənin Baş naziri Rəcəb Tayyib Ərdoğana telefonla zəng etmişdir.
Azərbaycan Prezidenti Türkiyə Baş nazirini ad günü münasibətilə təbrik etmiş, dost və qardaş Türkiyə xalqının firavanlığı naminə yüksək dövləti fəaliyyətində yeni-yeni uğurlar, möhkəm cansağlığı arzulamışdır.
Rəcəb Tayyib Ərdoğan göstərilən diqqətə və təbriklərə görə dövlətimizin başçısına minnətdarlığını bildirmişdir.
Prezident İlham Əliyev və Baş nazir Rəcəb Tayyib Ərdoğan ölkələrimiz arasında münasibətlərin bütün sahələrdə uğurla inkişafından məmnunluqlarını ifadə etmiş, əlaqələrimizin bundan sonra da möhkəmlənəcəyinə əmin olduqlarını vurğulamışlar.
Telefon söhbəti zamanı qarşılıqlı maraq doğuran bir sıra məsələlər də müzakirə edilmişdir.
Bölmənin digər xəbərləri
