QADIN RƏSSAMLARIMIZIN SƏRGİSİ
Martın 7-də Səttar Bəhlulzadə adına Sərgi Salonunda Azərbaycan qadın rəssamlarının 8 mart bayramına həsr olunmuş sərgisi açılmışdır.
Azərbaycan Respublikası Mədəniyyət Nazirliyi və Rəssamlar İttifaqının təşəbbüsü ilə keçirilən sərgidə 130-dan çox müəllifin rəngkarlıq, qrafika və dekorativ-tətbiqi sənət janrlarında 170-dən artıq yaradıcılıq nümunələri nümayiş etdirilir.
Sərgidə xalq rəssamlarından Xalidə Səfərova, Bədurə Əfqanlı. Mənzər Ağayeva, Elmira Şaxtaxtinskaya kimi fırça ustalarımızla yanaşı Əsmər Nərimanbəyova, Aygün Əskərova, Səbinə Şıxlınskaya kimi gənc rəssamların, Azərbaycan Dövlət Rəssamlıq Akademiyası tələbələrinin əsərləri sənətsevərlərə təqdim olunur.
Mədəniyyət naziri Polad Bülbüloğlu, Rəssamlar İttifaqı İdarə Heyətinin sədri Fərhad Xəlilov və başqaları açılış mərasimində cıxış edərək qadın rəssamlarımızı bayram münasibətilə təbrik etmiş, Azərbaycan təsviri sənətinin inkişafında onların əvəzsiz xidmətindən danışmiş, fırça ustalarımıza yaradıcılıq uğurları arzulamışlar.
Sərgi martın 20-dək davam edəcək.
Bölmənin digər xəbərləri
