QADINLAR ZORAKILIĞA “YOX” DEYİRLƏR
Ailə, Qadın və Uşaq Problemləri üzrə Dövlət Komitəsi Gəncədə “Zorakılığa “yox” deyək” devizi altında dəyirmi masa keçirmişdir. Şəhərin fəal qadınlarının, həkim-psixiatorların, uşaq tərbiyə müəssisələri və hüquq mühafizə orqanları işçilərinin iştirak etdiyi görüşdə Komitənin şöbə müdiri Vəsilə Müslümova, Həkimləri Təkmilləşdirmə İnstitutunun direktoru Nailə Məmmədova, həkim-ekspert Canpolad İmanovun Azərbaycan Respublikası Konstitusiyasında təsbit edilmiş insan və vətəndaş hüquq və azadlıqlarının qorunması, cəmiyyətin əsas özəyi olan ailədə yaranan problemlərin vaxtında və qanunla həll edilməsi istiqamətində ölkəmizdə həyata keçirilən və keçirilməsi vacib olan məsələlərlə bağlı məruzələri dinlənilmiş, müzakirələr aparılmışdır. Görüşün sonunda iştirakçılara maarifləndirici vəsaitlər paylanmışdır.
