Qanıx çayının Əyriçay məntəqəsində suyun səviyyəsi 7 santimetr artıb
Bakı, 16 mart, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, hazırda Böyük Qafqazın Quba-Xaçmaz bölgəsindən axan Vəlvələçayda sululuq ongünlük normadan çox olmaqla onun 160, Kiçik Qafqazın ərazisindən axan Kürəkçay və Zəyəmçayda sululuq ongünlük normadan az və normadan çox olmaqla onun 80-120, Lənkəran-Astara bölgəsindən axan Lənkərançay, Vəşərüçay və Viləşçayda isə sululuq ongünlük normadan az olmaqla onun 20-60 faizini təşkil edir.
Departamentdən AZƏRTAC xəbər verilib ki, martın 16-da Kür çayının Qıraqkəsəmən məntəqəsində suyun səviyyəsi 5 santimetr artıb. Hazırda məntəqədə su sərfi saniyədə 123 kubmetr təşkil edir. Bu da ongünlük normadan az olmaqla onun 46 faizinə bərabərdir.
Qanıx çayının Əyriçay məntəqəsində suyun səviyyəsində 7 santimetr artım müşahidə olunub. Hazırda məntəqədə su sərfi 28 kubmetr/saniyə təşkil edir. Bu da ongünlük normadan az olmaqla onun 30 faizinə bərabərdir.
Araz çayının Qıvraq məntəqəsində suyun səviyyəsi 4 santimetr azalıb. Hazırda məntəqədə su sərfi saniyədə 114 kubmetr təşkil edir. Bu da ongünlük normaya yaxın olmaqla onun 80 faizinə bərabərdir.
Kür çayının aşağı axınında suyun səviyyəsində əsasən mühüm dəyişiklik qeydə alınmayıb. Belə ki, suyun səviyyəsi Kür çayının Surra məntəqəsində 1 santimetr azalaraq 294, Şirvan məntəqəsində 1 santimetr artaraq 106, Bankə məntəqəsində 6 santimetr artaraq 147, Salyan məntəqəsində dəyişməyərək 29, Araz çayının Novruzlu məntəqəsində 2 santimetr azalaraq 18 santimetr təşkil edib.
Bölmənin digər xəbərləri
