“Qara-Ağ” filmi beynəlxalq festivalın rəsmi proqramında
Bakı, 26 may, AZƏRTAC
Gənc istedad Kövsər Qurbanovanın “Qara-Ağ” (Black & White) qısametrajlı animasiya filmi Xorvatiyanın Varajdin şəhərində keçirilən 17-ci Beynəlxalq “VAFI-RAFI” Uşaq və Gənclərin Animasiya və Film Festivalının rəsmi proqramına seçilib.
Bu barədə AZƏRTAC-a Azərbaycan Respublikasının Kino Agentliyindən (ARKA) məlumat verilib.
Bildirilib ki, animasiya və uşaq kinosunun dəstəklənməsi Mədəniyyət Nazirliyi tabeliyində fəaliyyət göstərən ARKA-nın fəaliyyətində prioritetlərdən biridir.
ARKA tərəfindən prodüser Zeynəb Qurbanova və rejissor Kövsər Qurbanovanın festivalda iştirakı üçün səfər dəstəyi göstərilib.
Bölmənin digər xəbərləri
