QARA DƏNİZ İQTİSADİ ƏMƏKDAŞLIQ TƏŞKİLATI BİZNES ŞURASI BAŞ KATİBİNİN BAKIYA SƏFƏRİ
Qara Dəniz İqtisadi Əməkdaşlıq Təşkilatı (QİƏT) Biznes Şurasının baş katibi Kostas Masmanidis Azərbaycan Xarici İşlər Nazirliyinin dəvəti ilə yanvarın 22-23-də Bakıda işgüzar səfərdə olmuşdur.
Səfər zamanı K.Masmanidis xarici işlər nazirinin müavini M.Məmmədquliyev tərəfindən qəbul edilmişdir. Görüşdə Azərbaycan Respublikasının QİƏT-in Biznes Şurası çərçivəsində fəaliyyətinin genişləndirilməsi və əməkdaşlığın konkret nəticə yönümlü istiqamətlərinin müəyyənləşdirilməsi yolları müzakirə edilmişdir.
Səfər müddətində qonaq Ticarət və Sənaye Palatasının prezidenti S.Tatlıyevlə, Sahibkarlar (İşəgötürənlər) Təşkilatları Milli Konfederasiyasının prezidenti Ə.Məmmədovla və Beynəlxalq Çağırış (İnternational Alert) qeyri-hökumət təşkilatının Biznes və münaqişə proqramının məsləhətçisi N.Killik ilə də görüşlər keçirmişdir.
Bölmənin digər xəbərləri
