QARABAĞ MÜHARİBƏSİ ƏLİLLƏRİNƏ DÖVLƏT QAYĞISI
Mingəçevir şəhərindəki 20 yanvar küçəsində şəhid ailələri və Qarabağ müharibəsi əlilləri üçün 70 mənzillik yaşayış binası inşa edilir. Ölkəmizin rəhbərinin göstərişi ilə bu binanın tikintisi üçün dövlət büdcəsindən 4 milyard manat vəsait ayrılmışdır. İnşaat işlərini şəhərdəki “Qızılqum” tikinti müəssiəsi aparır.
Beş mərtəbəli binanın 3-cü mərtəbəsində artıq son tamamlama işləri görülür. İnşaatçılar yaşayış binasını ilin sonuna kimi təhvil vermək üçün bütün imkanlardan səmərəli istifadə etməyə çalışırlar. Tez-tez insaat meydançasına gələn şəhid və Qarabağ müharibəsi əlillərinin ailə üzvləri tikintinin sürət və keyfiyyətindən razılıq edirlər. Şəhər İcra Hakimiyyəti tikintiyə rəhbərlik edən xüsusi qərargah yaratmışdır.
Bölmənin digər xəbərləri
