QAX ŞƏHƏRİNİN MƏRKƏZİ KÜÇƏSİNƏ HEYDƏR ƏLİYEVİN ADI VERİLİB
Qax sakinlərinin və əmək kollektivlərinin çoxsaylı müraciətlərini nəzərə alaraq, icra hakimiyyəti başçısının xüsusi sərəncamı ilə şəhərin mərkəzi küçələrindən birinə xalqımızın ümummilli lideri Prezident Heydər Əliyevin adı verilmişdir. Şəhəri eninə kəsən geniş küçədə inzibati binalar, səhiyyə, ticarət, xidmət obyektləri yerləşir.
Rayon icra hakimiyyətindən AZƏRTAC-ın müxbirinə bildirmişlər ki, dahi rəhbərin adını daşıyan küçədə hazırda ayrı-ayrı əmək kollektivlərinin, şəhər sakinlərinin yaxından iştirakı ilə geniş abadlıq və quruculuq işləri aparılır, yeni yaşıllıqlar salınır. Bu işlərin ulu öndərin ad gününədək başa çatdırılması nəzərdə tutulmuşdur.
