QAXDA BARAMA TƏDARÜKÜNƏ BAŞLANILMIŞDIR
Qax, 21 iyun (AZƏRTAC). Qax Damazlıq İpəkçilik Stansiyasında məhsul qəbuluna başlanılmışdır.
Xatırladaq ki, cari mövsümdə rayon kümçülərinə 2,8 kiloqram məhsuldar və xəstəliklərə davamlı ipəkqurdu toxumu paylanılmışdır. İstehsalçılar tərəfindən indiyədək stansiyaya 2,2 ton yaş barama təhvil verilmişdir. Güllük kəndindən Cahangir Məmmədovun ailəsi stansiyaya hamıdan çox- 215 kiloqram, Tasmalıdan Telman Rəsulovun ailəsi isə 185 kiloqram yaş barama təhvil vermişlər. Kümçülərə yetişdirdikləri məhsulun hər kiloqramı üçün 3 manat ödənilir.
Tədarük edilmiş yaş barama stansiyada qurudulduqdan sonra “Şəki-İpək” ASC-yə təhvil veriləcəkdir. Rayonda barama istehsalının 6 tona çatacağı gözlənilir.
Bölmənin digər xəbərləri
