Qazaxıstan 11,1 milyon ton taxıl və un ixrac edib
Astana, 6 may, AZƏRTAC
Qazaxıstan marketinq ilinin əvvəlindən — 2025-ci ilin sentyabrından 2026-cı ilin aprelinə qədər 11,1 milyon ton taxıl və un ixrac edib ki, bu da ötən ilin eyni dövrü ilə müqayisədə 13 faiz artım deməkdir.
AZƏRTAC “Qazaxıstan Dəmir Yolu” SC-yə istinadla xəbər verir ki, ötən marketinq ilində eyni dövrdə tədarüklərin həcmi 9,8 milyon ton təşkil edib. İxrac artımı ənənəvi bazarlarda kənd təsərrüfatı məhsullarına sabit tələbat, səmərəli logistika və sənayeyə dövlət dəstəyi tədbirləri ilə əlaqədardır.
Əsas istiqamətlərdə tədarük həcmində əhəmiyyətli artım qeydə alınıb. Özbəkistana taxıl ixracı 13,8 faiz artaraq 8,2 milyon tondan 9,3 milyon tona çatıb. Qırğızıstana tədarük 1,6 dəfə artaraq 278 min tondan 440 min tona çatıb. Əfqanıstana ixrac 51 faiz artaraq əvvəlki ildəki 1,2 milyon tona qarşı 1,8 milyon ton olub. Türkmənistana tədarük isə 1,5 dəfə artaraq 123 min tondan 183 min tona çatıb.
Təchizat coğrafiyasını genişləndirmək, nəqliyyat və logistika infrastrukturunu inkişaf etdirmək, məhsulların əlavə dəyərini artırmaq istiqamətində işlər davam etdirilir.
Bölmənin digər xəbərləri
